Zechariah 9

Ukwahlulelwa Kwezitha Zika-Israyeli Isiqalekiso

1Isiphrofethi:

Ilizwi likaThixo liqophe ilizwe laseHadiraki
lize liyokweyama phezu kweDamaseko
ngoba amehlo abantu lawezizwana zonke zika-Israyeli
akuThixo
2laphezu kweHamathi layo, engcelelane layo,
laphezu kweThire leSidoni, lokuba nje zilobungcitshi.
3IThire isizakhele inqaba;
isibuthelele isiliva kwangathi luthuli;
legolide njengomhlabathi wemigwaqweni.
4Kodwa uThixo uzayemuka inotho yayo
achithe lamandla ayo asolwandle,
kuthi yona iqedwe ngumlilo.
5I-Ashikheloni izakubona lokho yesabe;
iGaza izathuthumela izwe ubuhlungu,
le-Ekroni layo, ngoba ithemba layo lizabuna.
IGaza izabhujelwa yinkosi yayo
le-Ashikheloni isale ingaselamuntu.
6Abezizwe bazayithatha i-Ashidodi bahlale kuyo,
njalo ngizakuqeda ukuzigqaja kwamaFilistiya.
7Ngizathatha igazi emilonyeni yabo,
okuyikudla okungavunyelwayo ngikukhuphe emazinyweni abo.
Labo abaseleyo bazakuba ngabakaNkulunkulu wethu
njalo babengabakhokheli koJuda,
le-Ekroni izakuba njengamaJebusi.
8Kodwa ngizayivikela indlu yami
kulabo abangabaphangi.
Kakusayikuphinda kwenzeke ukuthi umncindezeli achithe abantu bami,
ngoba manje sengihlezi ngiqaphele.

Ukuza KweNkosi YaseZiyoni

9Thokoza kakhulu, wena Ndodakazi yaseZiyoni!
Memeza, Ndodakazi yaseJerusalema!
Khangela, inkosi yakho iyeza kuwe,
iza ilungile ilensindiso,
imnene, ihamba igade ubabhemi,
iphezu kwenkonyane, inkonyane kababhemi.
10Ngizazisusa izinqola zempi ko-Efrayimi
lamabhiza empi eJerusalema,
ledandili lempi lizakwephulwa.
Izamemezela ukuthula phakathi kwezizwe.
Umbuso wayo uzasukela elwandle usiya elwandle,
njalo kusukela eMfuleni kusiya emaphethelweni omhlaba.
11Wena pho, ngenxa yegazi lesivumelwano lawe,
ngizakhulula izibotshwa zakho emgodini ongelamanzi.
12Buyelani enqabeni yenu, lina zibotshwa ezilethemba;
sengihle ngibika ukuthi
ngizalibuyisela izibusiso ngokuphindwe kabili.
13Ngizamgoba uJuda njengalokhu ngigoba idandili lami
besengigcwalisa ngo-Efrayimi.
Ngizawahlokoza amadodana akho, wena Ziyoni,
avukele amadodana akho, wena Grisi,
ngikwenze ube njengenkemba yebutho.

UThixo Uzaqhamuka

14Kulapho-ke uThixo azaqhamuka ngaphezu kwabo;
umtshoko wakhe uzabenyezela njengonyezi.
UThixo Wobukhosi uzatshaya icilongo;
uzahaluzela ngeziphepho zaseningizimu,
15njalo uThixo uSomandla uzabavikela.
Bazabhubhisa njalo banqobe ngamatshe ezavutha.
Bazanatha baklabalale njengabadakwe liwayini;
bazagcwala lona njengomganu
osetshenziswa kuchelwa amagumbi e-alithare.
16 UThixo uNkulunkulu wabo uzabasindisa ngalelolanga
njengoba bengumhlambi wezimvu zakhe.
Bazakhazimula elizweni lakhe
njengamatshe aligugu acecise umqhele.
17Yeka ukukhanga kwabo lobuhle abazakuba yibobona!
Isivuno esihle sizatshwaphulula izinsizwa,
lewayini elitsha lithokozise izintombi.